مسئلہ خلافت

اہل سنت کا عقیدہ ہے کہ قرآن کی درج ذیل آیت کے مطابق سیدنا ابوبکر رضی اللہ عنہ پہلے خلیفہ مقرر ہوئے تھے:

قرآن کہتا ہے:

جو اپنے رب کی بات مانتے ہیں اور نماز قائم کرتے ہیں۔ جو اپنے معاملات باہمی مشاورت سے چلاتے ہیں؛ جو کچھ ہم ان کو رزق دیتے ہیں اس میں سے خرچ کرتے ہیں (یوسف علی:الشوریٰ38)

اس آیت میں "شوری بینھم" یعنی باہمی مشاورت کا لفظ استعمال کیا گیا ہے۔ اہل سنت کے نزدیک یہ ایک حقیقت ہے کہ سیدنا ابوبکر رضی اللہ عنہ کو مہاجرین اور انصار (مدینہ میں مددگار) کی باہمی مشاورت سے اسلام کا پہلا خلیفہ مقرر کیا گیا تھا۔ شیعوں کے مطابق سیدنا علی رضی اللہ عنہ اور بعض صحابہ نے اس مسئلہ پر تھوڑی دیر تک اختلاف کیا لیکن آخر کار مجبوری میں سیدنا ابوبکر رضی اللہ عنہ کو خلیفہ تسلیم کر لیا۔

اہل سنت کے نزدیک خلافت کا مسئلہ رسول اللہ صلی اللہ علیہ وسلم نے کھلا چھوڑ دیا تھا یعنی صحابہ کرام آپس میں مشورہ کر کے سب سے زیادہ مستحق شخص کا انتخاب کرتے تھے۔ یہ رسول اللہ صلی اللہ علیہ وسلم کی وصیت نہیں تھی اور نہ ہی یہ کوئی حکم الٰہی تھا۔ جبکہ شیعہ کا عقیدہ ہے کہ امامت/خلافت ایک حکم الٰہی ہے۔

صحیح بخاری میں ایک طویل حدیث ہے جو ابن شہاب الزہری "کے ادراج کے ساتھ آئی ہے اور اس میں دعویٰ کیا گیا ہے کہ سیدہ فاطمہ رضی اللہ عنہا کا انتقال ابوبکر رضی اللہ عنہ سے ناراض ہو کر ہوا تھا اور یہ بھی کہ سیدنا علی رضی اللہ عنہ سے مشورہ نہیں کیا گیا تھامسئلہ خلافت پر جس کی وجہ سے آپ نے 6 ماہ کے بعد بیعت کی۔

یہ الفاظ والی حدیث اہلسنت کے نزدیک الزہری کے ادراج کی وجہ سے ضعیف ہے۔

ہمیں یاد رکھنا چاہیے کہ تاریخ مختلف ذرائع سے شیعوں اور سنیوں تک پہنچی ہے۔ اس زمانے میں نہ تو شیعہ تھے اور نہ سنی، اس لیے ان خبروں کی تصدیق نہیں کی جا سکتی۔ صرف ایک خاص کتاب عظیم الشان قرآن ہے اور قرآن میں کہیں بھی صحابہ اور اہل بیت کے درمیان خلافت کے تنازعات کا ذکر نہیں ہے۔ اگر یہ مسئلہ اتنا اہم ہوتا تو اللہ تعالیٰ جو عالم الغیب ہے (جو مستقبل کو پہلے سے جانتا ہے) اس کا ذکر فرماتا۔ 

اس کے علاوہ ہمیں اسٹرا مین استدلال کا استعمال نہیں کرنا چاہئے یعنی دوسرے فریق کے عقائد کو خود سے گھڑنا اور پھر ان کی طرف منسوب کرنا۔ اہل سنت کے مطابق سیدنا علی رضی اللہ عنہ نے فوراً ابو بکر رضی اللہ عنہ کی بیعت کر لی تھی۔

آئیے اس سلسلے میں ایک صحیح حدیث دیکھتے ہیں جس سے ثابت ہوتا ہے کہ سیدنا علی رضی اللہ عنہ نے ابو بکر رضی اللہ عنہ کے ہاتھ پر فوراً بیعت کر لی تھی۔

حدثنا أبو العباس محمد بن يعقوب ثنا جعفر بن محمد بن شاكر ثنا عفان بن مسلم ثنا وهيب ثنا داود بن أبي هند ثناأبو نضرة عن أبي سعيد الخدري رضي الله عنه قال لما توفي رسول الله صلى الله عليه وسلم قام خطباء الأنصار فجعل الرجل منهم يقول: يا معشر المهاجرين إن رسول الله صلى الله عليه وسلم كان إذا استعمل رجلا منكم قرن معه رجلا منا فنرى أن يلي هذا الأمر رجلان أحدهما منكم والآخر منا قال فتتابعت خطباء الأنصار على ذلك فقام زيد بن ثابت فقال : إن رسول الله صلى الله عليه وسلم كان من المهاجرين وإن الإمام يكون من المهاجرين ونحن أنصاره كما كنا أنصار رسول الله صلى الله عليه وسلم فقام أبو بكر رضي الله عنه فقال : جزاكم الله خيرا يا معشرالأنصار وثبت قائلكم ثم قال : أما لو فعلتم غيرذلك لما صالحناكم ثم أخذ زيد بن ثابت بيد أبي بكرفقال : هذا صاحبكم فبايعوه ثم انطلقوا فلما قعد أبوبكر على  المنبرنظر   في   وجوه   القوم فلم ير عليا فسأل عنه فقال ناس من الأنصار فأتوا به فقال أبو بكر : ابن عم رسول الله صلى الله عليه وسلم وخنتنه : أردت أن تشق عصاالمسلمين   فقال   : لا تثريب يا خليفة رسول الله صلى الله عليه وسلم فبايعه ثم لم ير الزبير بن العوام فسأل عنه حتى جاؤوا به فقال : ابن عمة رسول الله صلى الله عليه وسلم وحواريه أردت أن تشق عصا المسلمين فقال مثل قوله لا تثريب يا خليفة رسول الله صلى الله عليه وسلم فبايعاه

ترجمہ: ابو سعید خدری رضی اللہ عنہ کہتے ہیں کہ جب رسول اللہ صلی اللہ علیہ وسلم کی وفات ہوئی تو سعد بن عبادہ کے مقام پر صحابہ اکٹھے ہوئے جن میں ابوبکر اور عمر رضی اللہ عنہما بھی تھے۔ مددگاروں (انصار) کے ایک ترجمان نے کہا: تم جانتے ہو کہ رسول اللہ صلی اللہ علیہ وسلم مہاجرین میں سے تھے اور آپ کا خلیفہ بھی انہی میں سے ہونا چاہیے، ہم آپ صلی اللہ علیہ وسلم کے انصار (مددگار) تھے۔ اور ہم اس کے خلیفہ کے مددگار ہوں گے جس طرح ہم رسول اللہ ﷺ کے تھے۔" پھر عمر بن الخطاب رضی اللہ عنہ کھڑے ہوئے اور کہا کہ یہ انصار میں سے ایک شخص سچ کہتا ہے اور اگر اس کے علاوہ کچھ ہوتا تو ہم آپ کی بیعت نہ کرتے، پھر آپ نے ابو بکر کا ہاتھ پکڑ لیا اور کہا: یہ آپ کا قریبی ساتھی ہے اس لیے اس کے ہاتھ پر بیعت کرو۔ اس کے بعد عمر نے مہاجرین اور انصار کے ساتھ آپ کے ہاتھ پر بیعت کی۔ ابوبکر رضی اللہ عنہ منبر پر کھڑے ہوئے اور وہاں موجود لوگوں کے چہروں کی طرف دیکھا لیکن زبیر رضی اللہ عنہ ان کو نظر نہ آئے تو آپ نے انہیں بلایا اور وہ تشریف لے آئے۔ ابو بکر رضی اللہ عنہ نے ان سے فرمایا: "اے رسول اللہ صلی اللہ علیہ وسلم کی خالہ کے بیٹے اور آپ کے شاگرد، کیا تم مسلمانوں میں تفرقہ چاہتے ہو؟" زبیر نے کہا: ہرگز نہیں اے اللہ کے خلیفہ" پھر وہ کھڑے ہوئے اور ان سے بیعت کی۔ پھر انہوں نے لوگوں کے چہروں کی طرف دیکھا لیکن علی کو نہ دیکھا تو انہوں نے علی بن ابی طالب رضی اللہ عنہ کو بلایا، وہ تشریف لائے۔ ابوبکر نے ان سے فرمایا: اے اللہ کے رسول کے چچا زاد اور ان کی بیٹی کے شوہر، کیا تم مسلمانوں میں تفرقہ چاہتے ہو؟ 

علی نے جواب دیا: "ہرگز نہیں اے اللہ کے رسول کے خلیفہ"، پھر آپ کھڑے ہوئے اور آپ نے بیعت کی۔ [المستدرک الحاکم (3/80) اور السنن الکبریٰ امام بیہقی (8/143) دو مستند اسناد کے ساتھ]

چنانچہ اس حدیث سے ثابت ہوتا ہے کہ سیدنا علی رضی اللہ عنہ نے بھی سیدنا ابو بکر رضی اللہ عنہ کی فوراً بیعت کر لی تھی۔

 اگر زہری کی حدیث کو صحیح مان لیا جائے تب بھی یہ ثابت ہوتا ہے کہ سیدنا علی رضی اللہ عنہ نے چھ ماہ کے بعد بیعت کی۔ اگر ابوبکر رضی اللہ عنہ غیر قانونی خلیفہ ہوتے یا اللہ نے علی کو خلیفہ ہونے کا حق دیا ہوتا تو سیدنا علی قرآنی حکم کی خلاف ورزی نہ کرتے بلکہ ان سے اس طرح لڑتے جیسے امام حسین رضی اللہ عنہ نے بدبخت باطل خلیفہ یزید سے فوج کے زیادہ تعداد نہ ہونے کے باوجود جنگ کی تھی۔

یہ حقیقت ہے کہ سیدنا علی رضی اللہ عنہ امام حسین رضی اللہ عنہ سے زیادہ بہادر اور شجاع تھے، اس لیے ان کے لیے جبر یا مجبوری کی وجہ سے ابو بکر رضی اللہ عنہ کی خلافت قبول کرنا ممکن نہ تھا۔

قرآن کے مطابق خلافت کے مسئلہ پر اختلاف کسی فریق کو غلط نہیں بناتا۔

خلافت کے مسئلہ پر تنازع صرف محمد صلی اللہ علیہ وسلم کی امت میں ہی نہیں تھا بلکہ "تاریخ کا پہلا تنازعہ خلافت پر تھا"۔

قرآن کہتا ہے:

 ترجمہ: اور جب تیرے رب نے فرشتوں سے کہا کہ میں زمین میں خلیفہ بنانے والا ہوں تو انہوں نے کہا ایسے شخص کو کیوں پیدا کرتا ہے جو زمین میں فساد کرے اور خون بہائے؟ ہم تیری تسبیح اور پاکیزگی بیان کرنے والے ہیں۔ اللہ عزوجل نے فرمایا جو میں جانتا ہوں تم نہیں جانتے۔ (سورہ البقرہ:30)

اس آیت میں لفظ خلیفہ استعمال ہوا ہے۔ فرشتوں نے خلافت پر اختلاف کیا جبکہ وہ معصوم ہیں تو بلفرض اگر سیدنا علی رضی اللہ عنہ معصوم ہوتے پھر بھی یہ غلط نہ ہوتا کہ انہوں نے خلافت پر اختلاف کیا۔ اس لیے کسی گروہ کو الزام نہیں دیا جا سکتا۔

دوسری طرف شیعہ دلائل استعمال کرتے ہیں سنی مصادر سے کہ سیدنا علی رضی اللہ عنہ پہلے امام اور خلیفہ ہونے کا حق رکھتے تھے۔ سب سے بڑی دلیل جو وہ استعمال کرتے ہیں وہ حدیث غدیرِ خم ہے۔ آیئے پہلے اس حدیث کا مختصر بیانیہ دیکھتے ہیں

زید بن ارقم رضی اللہ عنہ سے روایت ہے کہ نبی اکرم ﷺ نے فرمایا جس کا میں مولی ہوں علی بھی اس کا مولا ہیں (یعنی دوست) (جامع ترمذی # 3213 داراسلام والوں نے اس کو صحیح کہا)

مَا تُرِيدُونَ مِنْ عَلِيٍّ مَا تُرِيدُونَ مِنْ عَلِيٍّ إِنَّ عَلِيًّا مِنِّي وَأَنَا مِنْهُ وَهُوَ وَلِيُّ كُلِّ مُؤْمِنٍ بَعْدِي 

ترجمہ:..."تم علی سے کیا چاہتے ہو؟! تم علی سے کیا چاہتے ہو؟! بیشک علی مجھ سے ہیں اور میں اس سے ہوں، اور وہ میرے بعد ہر مومن کا ولی ہے۔ " [جامع ترمذی،حدیث 3712، دارالسلام میں سلفیوں نے حسن قرار دیا]

آئیے اب ایک طویل حدیث دیکھتے ہیں:

عن زيد بن أرقم رضي الله عنه, قال: لما رجع رسول الله صلى الله عليه وآله وسلم من حجة الوداع, ونزل غديرخم, أمربدوحات فقمن, فقال: كأني قد دعيت فأجبت، إني قدتركت فيكم الثقلين, أحدهما أكبر من الآخر: كتاب الله تعالى, وعترتي,فانظروا كيف تخلفوني فيهما, فإنهما لن يتفرقا حتى يردا علي الحوض. ثم قال: إن الله عز وجل مولاي, وأنا مولى كل مؤمن. ثم أخذ بيد علي رضي الله عنه, فقال: من كنت مولاه فهذا وليه, اللهم! وال من والاه, وعاد من عاداه.

ترجمہ: زید بن ارقم رضی اللہ عنہ سے روایت ہے کہ: جب رسول اللہ صلی اللہ علیہ وسلم حجۃ الوداع کے بعد واپس آ رہے تھے تو غدیر خم میں ٹھہرے، آپ صلی اللہ علیہ وسلم نے حکم دیا کہ ایک سائبان ڈالا جائے اور ایسا ہو گیا، پھر فرمایا: ایسا لگتا ہے کہ میں اپنی آخری سانسیں لینے والا ہوں جسے میں قبول کروں گا، میں تمہارے درمیان دو اہم چیزیں چھوڑ کر جا رہا ہوں جو ایک دوسرے سے زیادہ اہمیت کی حامل ہیں: ایک اللہ کی کتاب اور دوسری میری اولاد۔ دیکھنا یہ ہے کہ میرے بعد تم ان دونوں کے ساتھ کیا سلوک کرتے ہو اور وہ ایک دوسرے سے جدا نہیں ہوں گے اور حوض کوثر پر میرے سامنے حاضر ہوں گے، پھر فرمایا: بے شک اللہ میرا مولا ہے اور میں ہر ایک کا مولیٰ ہوں۔ اس کے بعد آپ نے علی کا ہاتھ پکڑ کرفرمایا: جس کا میں مولا ہوں اس کا علی مولا ہے، اے اللہ اس سے دوستی رکھ جو اس (علی) سے دوستی رکھے اور اس کا دشمن ہو جو اس کا دشمن ہے۔ "

 حوالہ: حاکم نے اسے المستدرک (ج 3 صفحہ 109رقم الحدیث: 4576) میں روایت کیا ہے۔ نسائی، السنن الکبریٰ ( 8148، 8464)؛ طبرانی، المعجم الکبیر (5:166 : 4969)؛ ابن ابی عاصم نے اسے سنن (ص644 : 1555) میں مختصراً بیان کیا ہے۔

امام نسائی نے اسے خاص صحیح سند کے ساتھ خصائص علی میں ص 84 تا85 نقل کیا ہے۔

اسی طرح کی حدیث کو حاکم نے روایت کیا ہے اور اسے بخاری و مسلم کی شرائط کے مطابق صحیح قرار دیا ہے المستدرک ( 6272) اور الذہبی نے تلخیص میں اس کے صحیح ہونے کی تصدیق کی ہے۔

ان احادیث سے ثابت ہوتا ہے کہ رسول اللہ صلی اللہ علیہ وسلم نے دو الفاظ استعمال کیے ہیں یعنی مولا اور ولی۔ ان الفاظ کے معنی میں اہل سنت اور شیعہ کا اختلاف ہے۔ شیعوں کا دعویٰ ہے کہ ان احادیث میں رسول اللہ صلی اللہ علیہ وسلم نے سیدنا علی کو اپنا جانشین بنایا، جبکہ سنی کہتے ہیں کہ یہ سیدنا علی کی تعریف ہے اور وہ تمام مومنین کے مولا/ولی ہونے کا مطلب یہ نہیں ہے کہ وہ پہلے خلیفہ بھی ہوں گے۔ 

البتہ ایک صحیح حدیث بھی ہے کہ رسول اللہ صلی اللہ علیہ وسلم نے فرمایا: علی میرے بعد تمام مومنین کے خلیفہ ہیں، حدیث میں بیان ہے:

ثنا مُحَمَّدُ بْنُ الْمُثَنَّى ،حَدَّثَنَا يَحْيَى بْنُ حَمَّادٍ ، عَنْ أَبِي عَوَانَةَ ، عَنْ يَحْيَى بْنِ سُلَيْمٍ أَبِي بَلْجٍ ، عَنْ عَمْرِو بْنِ مَيْمُونٍ ، عَنِ ابْنِ عَبَّاسٍ ، قَالَ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ لِعَلِيٍّ : " أَنْتَ مِنِّي بِمَنْزِلَةِ هَارُونَ مِنْ مُوسَى إِلا أَنَّكَ لَسْتَ نَبِيًّا ،[إِنَّهُ لا يَنْبَغِي أَنْ أَذْهَبَ إِلا] وَأَنْتَ خَلِيفَتِي فِي كُلِّ مُؤْمِنٍ مِنْ بَعْدِي 

ترجمہ: ابن عباس رضی اللہ عنہ روایت کرتے ہیں کہ نبی کریم ﷺ نے حضرت علی رضی اللہ عنہ کے بارے فرمایا: تم میرے ساتھ اسی منزلت پر ہو جسے ہارون علیہ السلام حضرت موسیٰ علیہ السلام کے ساتھ تھے سوائے اس کے کہ تم نبی نہیں ہو۔ تم میرے خلیفہ ہو میرے بعد والے تمام مومنین کے لیے (امام ابن ابی عاصم کتاب السنہ رقم الحدیث:1188طبعہ مکبتہ الاسلامی ناصر الدین البانی نے کہا سند حسن ہے) 

سنی اس حدیث کا جواب یہ دیتے ہیں کہ نبی کریم ﷺ نے سیدنا علی کو صرف تھوڑے وقت کے لیے خلیفہ بنایا تھا جب وہ غزوہ تبوک پر جا رہے تھے لیکن یہ حکم  عام نہیں تھا۔

ایک حدیث جس کو ہم پیچھے دیکھا چکے ہیں جس میں ہے کہ نبی اکرم ﷺ نے فرمایا ایسا لگتا ہے کہ میں اپنی آخری سانسیں لے رہا ہوں اس وجہ سے سنی اور شیعہ دونوں کو ماننا چاہئے یہ نبی اکرم ﷺ کا آخری خطبہ تھا حجۃ الوداع کے بعد۔ حضرت علی رضی اللہ عنہ کے بارے میں ولی ، اور ولی والی احادیث متواتر ہیں اور ان کا انکار کرنے والا سخت قسم کا بدعتی ہے۔ابن تیمیہ جن کی سلفی وبابی نجدی بہت تعظیم کرتے ہیں اس نے ان احادیث انکار کیا ہے ناصر الدین البانی جو کہ سلفیوں کے لیے حجت ہیں انہوں نے ابن تیمیہ کا رد کیا ہے۔ وہ کہتے ہیں:

أننی رأیت شیخ الإسلام بن تیمیۃ ، قد ضعف الشطر الأول من الحدیث، و أما الشطر الآخر، فزعم أنہ کذب! وھذا من مبالغتہ الناتجۃ فی تقدیری من تسرعہ فی تضعیف الأحادیث قبل أن یجمع طرقھا و یدقق النظر فیھا

ترجمہ: جب میں نے شیخ الاسلام ابن تیمیہ کو دیکھا کے وہ حدیث (جس کا میں مولا ہوں اس کا علی مولا ہے) کے پہلے حصے کو ضعیف اور آخری حصے کو جھوٹ کہتے ہیں" تو مجھے اس مسئلہ پر طوالت کے ساتھ لکھنا پڑا۔ . میرے خیال میں (ابن تیمیہ کی) اس قدر مبالغہ آرائی کی وجہ یہ تھی کہ وہ بعض احادیث کو صحیح طور پر دیکھنے سے پہلے ان کے غیر صحیح ہونے کا فیصلہ کرنے میں عجلت سے کام لیتے تھے۔(سلسلۃ الأحادیث الصحیۃ جلد 4، صفحہ 344)

اب واپس موضوع کی طرف آتے ہیں، اس حدیث سے شیعہ اعلان غدیر خم کے بارے میں کہتے ہیں کہ یہ پیغمبر کا آخری خطبہ تھا اور آپ ﷺنے علی کو مولا اور ولی قرار دیا۔ ان کا دعویٰ ہے کہ یہ ناقابل تردید اعلان ہے کہ حضرت علی رضی اللہ عنہ کو نبی کا جانشین مقرر کیا گیا تھا۔

شیعہ "منزلہ" کی حدیث کو بھی دلیل کے طور پر استعمال کرتے ہیں جو پہلے بیان ہو چکی ہے، تاہم اب ہم اسے صحیح بخاری سے دیکھتے ہیں:

سعد رضی اللہ عنہ بیان کرتے ہیں کہ رسول اللہ صلی اللہ علیہ وسلم تبوک کے لیے روانہ ہوئے اور حضرت علی رضی اللہ عنہ کو (مدینہ میں) اپنا نائب مقرر کیا، حضرت علی رضی اللہ عنہ نے فرمایا: کیا آپ مجھے بچوں اور عورتوں کے پاس چھوڑنا چاہتے ہیں؟ نبی علیہ السلام نے فرمایا"کیا تم اس بات سے راضی نہیں ہو گے کہ تم میرے لیے ایسے ہو جیسے ہارون موسیٰ علیہم السلام کے لیے؟ لیکن میرے بعد کوئی نبی نہیں آئے گا۔" [صحیح بخاری، حدیث 4416]

اسے دوسرے صحابہ نے بھی روایت کیا ہے جیسے جابر بن عبداللہ رضی اللہ عنہ

ان احادیث سے شیعہ کہتے ہیں کہ ہارون (علیہ السلام) موسیٰ (علیہ السلام) کے نائب تھے لہٰذا علی رضی اللہ عنہ محمد (صلی اللہ علیہ وآلہ وسلم) کے نائب اور خلیفہ بھی ہیں۔

شیعہ قرآن کی ایک آیت بھی استعمال کرتے ہیں جس میں کہا گیا ہے:

بے شک تمہارا ولی (محافظ و مددگار)اللہ، اس کا رسول اور مومنین ہیں، جو نماز پڑھتے ہیں، زکوٰۃ دیتے ہیں اور جھک جاتے ہیں نماز میں۔  [المائدہ:55]

سنی لٹریچر میں کچھ احادیث موجود ہیں کہ جس شخص نے رکوع کرتے وقت صدقہ کیا جیسا کہ اس آیت میں مذکور ہے وہ سیدنا علی رضی اللہ عنہ تھے۔ بہت سے اہل سنت علماء نے ان احادیث کو ضعیف قرار دیا ہے، تاہم ان کو اس حد تک مسلسل بیان کیا گیا ہے کہ وہ حسن کے درجہ پر پہنچ جاتی ہیں۔

 بہت سے مفسرین نے اس آیت کا اطلاق علی رضی اللہ عنہ پر کیا ہے۔ایک حدیث میں ہے کہ رسول اللہ (صلی اللہ علیہ وآلہ وسلم) نے فرمایا کہ تم میرے بعد علی کو امام نہیں ٹھہراؤ گے۔ آئیے اس حدیث کو دیکھتے ہیں:

سیدنا علی رضی اللہ عنہ سے روایت ہے، کہا گیا: یا رسول اللہ صلی اللہ علیہ وسلم آپ کے جانے کے بعد کس کو حکمران بنایا جائے؟ آپ نے فرمایا: اگر تم ابو بکر کو مقرر کرو گے تو انہیں امانت دار، دنیاوی فائدے سے بے نیاز، آخرت کے طالب پاو گے۔ اگر تم عمر کو مقرر کرو گے تو ان کو مضبوط اور قابل اعتماد پاو گے اور وہ اللہ کے لیے کسی کی ملامت سے نہ ڈریں گے۔ اگر تم علی کو "جس کے بارے میں مجھے نہیں لگتا کہ تم ایسا کرو گے" تو آپ اسے ایک رہنما اور ہدایت یافتہ پاو گے، وہ (تم کو) سیدھے راستے پر لے جائے گا (مسند احمد بن حنبل، حدیث نمبر 8591)

امام ہیثمی نے اسے روایت کرنے کے بعد فرمایا:

رواه أحمد والبزار والطبراني في الأوسط ورجال البزار ثقات‏.‏

ترجمہ: اسے احمد، البزار اور طبرانی نے اپنی الاوسط میں روایت کیا ہے۔ البزار کے تمام رجال ثقہ ہیں۔ [مجمع الزوائد، (5/186)، حدیث نمبر 8909)

امام حاکم نے بھی 2 متشابہ حدیثیں نقل کی ہیں جن میں سے ایک کو انہوں نے مستند کہا جبکہ ذہبی نے ان سے اختلاف کیا۔

اس حدیث کو شیعہ غلط استعمال نہیں کر سکتے کیونکہ رسول اللہ صلی اللہ علیہ وسلم نے اس میں ابوبکر رضی اللہ عنہ اور عمر رضی اللہ عنہ کی بھی تعریف کی ہے۔ البتہ ہاں وہ یہ دعویٰ کر سکتے ہیں کہ صحابہ علی کو اپنے بعد خلیفہ نہیں بننے دیں گے۔ اس کا جواب یہ ہے کہ یہ حدیث مولا علی کی خلافت بلا فصل ثبوت نہیں کرتی بلکہ نبی کریم علیہِ السلام کا علم غیب ثابت کرتی ہے اور جو مقدار میں لکھا تھا کو ہونا تھا، یہ ثابت کرتی ہے۔  بہت سے اہل سنت علماء نے اس حدیث کو ضعیف بھی قرار دیا ہے، جبکہ اس کے مختلف طرق ہیں جو اس کی اصل ثابت کرتے ہیں۔

مفاہمت : تاریخ مختلف اور متضاد ذرائع سے ہم تک پہنچی ہے، اس لیے ہم یقین سے نہیں کہہ سکتے کہ کون زیادہ سچا ہے۔ شیعوں اور سنیوں کو چاہیے کہ وہ اس پرانی لڑائی اور جھگڑوں کو ترک کر دیں، کیونکہ یہ ہمیں اتحاد سے دور کریں گے۔ خلفائے ثلاثہ (پہلے تین خلفاء) کو سنیوں میں بہت زیادہ عزت دی جاتی ہے، اس لیے ان پر لعنت بھیجنا یا ان کی تنقیص کرنا ہمارے درمیان اتحاد کا باعث نہیں بنے گا۔ ہم اس بات پر متفق ہیں کہ اہل بیت کے ساتھ یزید بن معاویہ، مروان، اور دوسرے جابر حکمرانوں نے ظلم کیا۔ لیکن پہلے تین خلفاء نے اہل بیت میں سے کسی سے جنگ نہیں کی۔ ہم بعد میں تفصیل سے بیان کریں گے کہ اہل سنت یزید اور اس کے چاہنے والوں کو کس طرح حقیر سمجھتے ہیں۔

اگر فرض کر لیا جائے کہ پہلے تین خلفاء غلط تھے (معاذ اللہ) تو قرآن ہمیں یہ سکھاتا ہے کہ مشرکین کے بتوں کو بھی برا نہ کہو، اہل سنت کی انتہائی قابل احترام شخصیات تو دور کی بات۔

قرآن کہتا ہے کہ: جن کو وہ اللہ کے سوا پکارتے ہیں ان کو گالی نہ دو، ورنہ وہ نادانی سے اللہ کو برا بھلا کہتے ہیں۔ اس طرح ہم نے ہر امت کے لیے ان کے اعمال کو خوشنما بنا دیا۔   پھر ان کو   اپنے  رب کی طرف  لوٹنا ہے  اور وہ انہیں بتائے گا کہ وہ کیا کرتے 

تھے۔ (Pickthall: الانعام108)

اس لیے شیعوں کو چاہیے کہ وہ صحابہ پر لعنت بھیجنا چھوڑ دیں اور اس جھگڑے کو ہمیشہ کے لیے ختم کریں۔ ہم اہل سنت مولا علی رضی اللہ عنہ کا بہت احترام کرتے ہیں اور ان کی تمام صفات کو قبول کرتے ہیں۔ مصنف ایک پورا باب سیدنا علی کی فضیلت اور واقعہ کربلا پر بھی مختص کرے گا۔

قرآن میں ایک آیت ہے جس میں سیدنا ابوبکر رضی اللہ عنہ کی یقینا تعریف کی گئی ہے۔

قرآن کہتا ہے: 

ترجمہ:اگر تم محبوب کی مدد نہ کرو تو بیشک اللہ نے ان کی مدد فرمائی جب کافروں کی شرارت سے انہیں باہر تشریف لے جانا ہوا صرف دو جان سے جب وہ دونوں غار میں تھے جب اپنے یار سے فرماتےتھے غم نہ کھا بیشک اللہ ہمارے ساتھ ہے تو اللہ نے اس پر اپنا سکینہ اتارا اور ان فوجوں سے اس کی مدد کی جو تم نے نہ دیکھیں اور کافروں کی بات نیچے ڈالی اللہ ہی کا بول بالا ہے اور اللہ غالب حکمت والا ہے۔ (سورۃ التوبۃ 40ترجمہ جوناگڑھی)

ابوبکر رضی اللہ عنہ کی تعریف پر یہ آیت ناقابل تردید ہے۔ یہاں تک کہ بہت سے شیعہ علماء نے اس آیت کی تشریح میں ابوبکر رضی اللہ عنہ کی تعریف کی ہے۔

بعض شیعہ کا دعویٰ ہے کہ ابو بکر رضی اللہ عنہ رسول اللہ صلی اللہ علیہ وسلم کے لیے نہیں اپنے لیے ڈر رہے تھے، اس لیے یہ آیت ابوبکر رضی اللہ عنہ کی تعریف میں نہیں ہے۔

آئیے چند شیعہ تفسیروں کو دیکھ کر نتیجہ اخذ کرتے ہیں: 

رواۃ الجنان از جمال الدین شیخ ابو الفتوح الرازی (600ھ) ابوالحسن شیرانی کی تفسیر کے ساتھ، تہران سے شائع شدہ، جلد 6، صفحہ نمبر 35، لکھتے ہیں:

ترجمہ: یہ ایک حقیقت ہے اور اس میں کوئی اختلاف نہیں ہے کہ غار میں صرف 2 آدمی تھے، ایک نبی اور دوسرے ابوبکر تھے۔اسی شیعہ عالم نے کہا: یعنی ان (ابو بکر) کا غم پیغمبر کے لیے تھا نہ کہ اپنے لیے۔ شیعہ عالم پھر فرماتے ہیں کہ رسول اللہ صلی اللہ علیہ وسلم اور ابوبکر رضی اللہ عنہ تین دن تک غار میں رہے... عبدالرحمٰن بن ابی بکر غار میں کھانا لایا کرتے تھے۔ ابوبکر کو اپنی جان کا خوف نہیں تھا بلکہ صرف نبی صلی اللہ علیہ وسلم کے لیے تھا کیونکہ قرآن نے لا التخاف نہیں کہا ہے بلکہ کہا ہے "لا تزان" جس کا مطلب ہے "غم نہ کرو۔"اگر یہ فرض کر لیا جائے کہ سیدنا ابوبکر رضی اللہ عنہ کو اپنے لیے خوف تھا تو یہ فطری ہے اور اس کا یہ مطلب ہرگز نہیں کہ اس آیت میں ان کی تعریف نہیں کی گئی ہے۔

قرآن کہتا ہے: انہوں نے (موسیٰ اور ہارون نے) کہا: اے ہمارے رب! ہمیں ڈر ہے کہ کہیں فرعون ہم پر زیادتی نہ کر دے، یا وہ حد سے بڑھ جائے، فرمایا: ڈرو نہیں، کیونکہ میں تمہارے ساتھ ہوں اور میں سب کچھ سنتا اور دیکھتا ہوں ۔  (یوسف علی:سورہ طحہٰ:45تا46)