![Reciting Surah al-Fatiha in Funeral prayer?](https://ahlus-sunnah.com/public/uploads/articles/images (3).jpg)
نماز جنازہ میں فاتحہ پڑھنا؟
![Article Bottom](https://ahlus-sunnah.com/assets/images/sec-botm-mckp.png)
نماز جنازہ میں فاتحہ پڑھنا؟
بعض لوگ اکثر حنفی مسلمانوں پر تنقید کرتے ہیں کہ وہ نماز جنازہ میں سورہ فاتحہ نہیں پڑھتے۔
پھر ان کو چاہیے سیدنا ابن عمر رضی اللہ عنہ کے بارے بھی لب کشائی کریں۔
َحَدَّثَنِي عَنْ مَالِكٍ، عَنْ نَافِعٍ، أَنَّ عَبْدَ اللَّهِ بْنَ عُمَرَ، كَانَ لاَ يَقْرَأُ فِي الصَّلاَةِ عَلَى الْجَنَازَةِ
ترجمہ: نافع رحمہ اللہ سے روایت ہے کہ حضرت عبداللہ بن عمر رضی اللہ عنہما جنازے کی نماز میں (فاتحہ یا کسی سورہ کی) قراءت نہیں کرتے تھے ۔ (موطا امام مالک # 537)
مصنف ابن ابی شیبہ میں اور بھی صحابہ اور تابعین سے روایات ہیں جنازے میں سورہ فاتحہ نا پڑھنے کے بارے۔
اس لیے امام ترمذی رحمہ اللہ نے کہا:
۔۔۔وَقَالَ بَعْضُ أَهْلِ الْعِلْمِ لاَ يُقْرَأُ فِي الصَّلاَةِ عَلَى الْجَنَازَةِ إِنَّمَا هُوَ ثَنَاءٌ عَلَى اللَّهِ وَالصَّلاَةُ عَلَى النَّبِيِّ صلى الله عليه وسلم وَالدُّعَاءُ لِلْمَيِّتِ . وَهُوَ قَوْلُ الثَّوْرِيِّ وَغَيْرِهِ مِنْ أَهْلِ الْكُوفَةِ
ترجمہ:۔۔۔اور بعض اہل علم کہتے ہیں کہ نماز جنازہ میں سورۃ فاتحہ نہیں پڑھی جائے گی ۱؎ اس میں تو صرف اللہ کی ثنا، نبی اکرم صلی اللہ علیہ وسلم پر صلاۃ (درود) اور میت کے لیے دعا ہوتی ہے۔ اہل کوفہ میں سے ثوری وغیرہ کا یہی قول ہے.
جامع ترمذی حدیث # 1027 کے تحت۔