یہ بھی شیعہ اور سنی کے درمیان ایک گرما گرم بحث کا موضوع ہے۔ شیعہ کہتے ہیں کہ ابو بکر رضی اللہ عنہ نے سیدہ فاطمہ رضی اللہ عنہا کو فدک کی زمین نہ دے کر ناراض کر دیا، کیونکہ یہ زمین ان کو وراثت میں ملی یا رسول اللہ صلی اللہ علیہ وسلم کا ان کو تحفہ تھا۔

آئیے اب سنی لٹریچر کی احادیث کو دیکھیں جن کا غلط استعمال کیا گیا ہے۔

عائشہ رضی اللہ عنہا نے بیان کیا:رسول اللہ صلی اللہ علیہ وسلم کی صاحبزادی فاطمہ رضی اللہ عنہا نے ابو بکر رضی اللہ عنہ کے پاس کسی کو بھیجا کہ وہ ان کی میراث مانگے جو اللہ کے رسول صلی اللہ علیہ وسلم نے انہیں اللہ کی طرف سے عطا کی ہوئی جائیداد میں سے چھوڑی تھی (یعنی بغیر لڑائی کے حاصل شدہ مال غنیمت)۔ مدینہ اور فدک میں، اور خیبر غنیمت کے خمس میں سے کیا بچا تھا۔ اس پر ابوبکر رضی اللہ عنہ نے کہا کہ رسول اللہ صلی اللہ علیہ وسلم نے فرمایا کہ ہمارا مال میراث میں نہیں ملتا۔ جو کچھ ہم چھوڑتے ہیں وہ صدقہ ہے، لیکن اس مال میں سے محمد صلی اللہ علیہ وسلم کا خاندان کھا سکتا ہے۔ اللہ کی قسم میں رسول اللہ صلی اللہ علیہ وسلم کے صدقہ کی حالت میں کوئی تبدیلی نہیں کروں گااور اسے اسی طرح چھوڑوں گا جیسا کہ رسول اللہ صلی اللہ علیہ وسلم کے زمانہ میں تھااور   اسی  طرح  تصرف  کروں  گا  جیسا  کہ رسول اللہ صلی اللہ علیہ وسلم کیا کرتے تھے۔ چنانچہ ابوبکر رضی اللہ عنہ نے فاطمہ رضی اللہ عنہاکو اس میں سے کچھ دینے سے انکار کردیا تو وہ ابوبکر رضی اللہ عنہ سے ناراض ہوگئیں اور ان سے دور رہیں اور ان سے اس وقت تک بات نہ کی جب تک کہ وہ فوت نہ ہوئیں، وہ رسول اللہ ﷺکی وفات کے بعد چھ ماہ تک زندہ رہیں۔ اس کا انتقال ہوا تو ان کے شوہر علی نے انہیںرات کو ابو بکر رضی اللہ عنہ کو بتائے بغیر دفن کر دیا اور انہوں نے خود نماز جنازہ پڑھائی، جب فاطمہ رضی اللہ عنہازندہ تھیں تو لوگ علی رضی اللہ عنہ کی بہت عزت کرتے تھے لیکن ان کی وفات کے بعد علی رضی اللہ عنہ نے دیکھااپنے بارے میں لوگوں کے روئیے میں تبدیلی دیکھی چنانچہ علی رضی اللہ عنہ نے ابوبکررضی اللہ عنہ سے صلح کی اور ان سے بیعت کی۔ علی رضی اللہ عنہ نے ان مہینوں میں بیعت نہیں کی تھی (یعنی رسول اللہ صلی اللہ علیہ وسلم کی وفات اور فاطمہ رضی اللہ عنہا کی وفات کے درمیان کی مدت)۔(صحیح بخاری 4240 تا 4241)

الفاظ: "چنانچہ وہ ابوبکر رضی اللہ عنہ سے ناراض ہوگئیں اور ان سے دور رہیں، اور ان سے بات تک نہیں کی حتی کہ ان کی وفات ہو گئی"

اور 

چنانچہ علی رضی اللہ عنہ نے ابوبکر رضی اللہ عنہ سے صلح کی اور ان کی بیعت کی، علی  رضی اللہ عنہ نے ان مہینوں میں بیعت نہیں کی تھی (یعنی رسول اللہ صلی اللہ علیہ وسلم کی وفات اور فاطمہ رضی اللہ عنہا کے درمیان کی مدت)۔

یہ روایت کے اصل الفاظ نہیں ہیں بلکہ ابن شہاب الزہری ایک ذیلی راوی کا ادراج ہے۔ ایسی تمام احادیث جو ابو بکر، فاطمہ اور علی کے درمیان اختلاف پیدا کرتی ہیں، صرف زہری سے آئی ہیں۔ مصنف کی تحقیق کے مطابق زہری نے کچھ اور پریشان کن احادیث بھی نقل کی ہیں جو سنیوں اور شیعوں کے درمیان تفرقہ پیدا کرتی ہیں۔

اسی ابن شہاب الزہری [صحیح مسلم حدیث نمبر 4580,4582] سے آنے والی ایک حدیث میں عربی اچانک مونث سے مذکر میں تبدیل ہو جاتی ہے اور لفظ "قال" استعمال ہوتا ہے جس کے معنی ہیں "اس مرد نے کہا۔" یاد رہے کہ یہ سیدہ عائشہ رضی اللہ عنہا کی حدیث ہے جو ایک خاتون تھیں پھر درمیان میں اچانک لفظ "قال" کیسے آ گیا؟ اس سے ثابت ہوتا ہے کہ یہ ادراج ہے۔اور حدیث کے اصل الفاظ نہیں۔ اس واقعہ میں زہری کا موجود ہونا ناممکن ہے۔

اس سے پہلے کہ ہم زہری کے ادراج کی تردید کریں، صحیح بخاری کی ایک اور حدیث ملاحظہ فرمائیں۔(صحیح بخاری:3714)

رسول اللہ صلی اللہ علیہ وسلم نے فرمایا: فاطمہ میرا ٹکڑا ہے اور جس نے اسے ناراض کیا اس نے مجھے ناراض کیا۔

چنانچہ حضرت فاطمہ رضی اللہ عنہا کا ابو بکر رضی اللہ عنہ سے ناراض ہونا ابوبکر رضی اللہ عنہ کے شان کے لائق نہیں۔

نوٹ: سیدہ فاطمہ کا نبی کریم کے جگر کا ٹکڑا ہونے والی حدیث کا سیاق و سباق مولا علی کے بارے میں ہے جب حضرت علی نے ابوجہل کی بیٹی سے نکاح کی خواہش کی تو سیدہ فاطمہ ناراض ہوئیں اور نبی کریم سے شکایت کی تو نبی کریم نے فرمایا کے جس نے فاطمہ کو تکلیف دی اس نے مجھ کو تکلیف دی۔(صحیح مسلم کی حدیث نمبر 6310 کا خلاصہ)

سابقہ حدیث کا جواب جو ہم نے دکھایا وہ یہ ہے کہ ابن شہاب الزہری احادیث میں اپنے الفاظ کا اضافہ کرنے (یعنی ادراج کرنے) کے لیے مشہور تھے۔ ماضی کے ماہرین حدیث نے اس کی تردید کی تھی اور ان سے کہا تھا کہ جب بھی وہ ادراج کرے تو وضاحت کریں۔

سیدہ فاطمہ رضی اللہ عنہا کی ابو بکر رضی اللہ عنہ سے ناراضگی کا ذکر کرنے والی حدیث صرف ابن شہاب الزہری سے آئی ہے اس لیے اس کا ادراج رد ہو گا۔ دوسرے صحابہ نے بھی اس حدیث کو روایت کیا ہے لیکن ان میں سے کسی نے بھی سیدہ فاطمہ رضی اللہ عنہا کا ابو بکر رضی اللہ عنہ سے ناراض ہونے کا ذکر نہیں کیا۔

امام سخاوی نے کہا: ابن شہاب الزہری (خود سے) بہت سی احادیث کی وضاحت کیا کرتا تھا، کئی بار اس وضاحت کا ذکر نہیں کرتا تھا جس سے معلوم ہو جاتا کہ آیا یہ الفاظ رسول اللہ صلی اللہ علیہ وسلم کےہیں یا خود زہری کے ۔ اس لیے ان کے زمانے کے بعض (علماء) ہمیشہ ان سے درخواست کرتے تھے کہ وہ اپنے کلام کو رسول اللہ صلی اللہ علیہ وسلم کے کلام سے الگ کر دیں۔ [سخاوی، فتح المغیث ج 1، ص 267 تا 268)]

 امام بیہقی نے اس حدیث کو بیان کرنے کے بعد فرمایا:

وقول الزهري في قعود علي عن بيعة أبي بكر رضي الله عنه حتى توفيت فاطمة رضي الله عنها منقطع

ترجمہ: یہ حصہ کہ علی رضی اللہ عنہ نے ابوبکر رضی اللہ عنہ سے بیعت کرنے سے فاطمہ کی وفات تک پرہیز کیا، زہری کا قول ہے اور منقطع ہے [سنن بیہقی الکبری 6/300، حدیث : 12512]

امام جلال الدین السیوطی تدریب الراوی (1/205) میں فرماتے ہیں: یحییٰ بن معین اور یحییٰ القطان نے کہا: زہری کی مراسیل "کچھ نہیں" ہیں۔

یہ ممکن نہیں ہے کہ زہری اس وقت صحابہ کے ساتھ موجود تھے، لہٰذا زہری کے یہ ادراجات مرسل شمار کیے جائیں گے اور رد کیے جائیں گے۔ 

درحقیقت صحیح احادیث موجود ہیں جن سے ثابت ہوتا ہے کہ سیدہ فاطمہ رضی اللہ عنہا نے ابوبکر رضی اللہ عنہ کے موقف کو قبول کیا اور ان سے مطمئن تھیں۔

سنن بیہقی میں ہے:

أخبرنا أبو عبد الله الحافظ ثنا أبو عبد الله محمد بن 

يعقوب الحافظ ثنا محمد بن عبد الوهاب ثنا عبدان بن عثمان العتكي بنيسابور ثنا أبو ضمرة عن إسماعيل بن أبي خالد عن الشعبي قال لما مرضت فاطمة رضي الله عنها أتاهاأبوبكرالصديق رضي الله عنه فاستأذن عليها فقال علي رضي الله عنه يا فاطمة هذا أبو بكر يستأذن عليك فقالت أتحب أن آذن له قال نعم فأذنت له فدخل عليهايترضاهاوقال والله ما تركت الدار والمال والأهل والعشيرة   إلا ابتغاء   مرضاة   الله ومرضاة رسوله ومرضاتكم أهل البيت ثم ترضاها حتى رضيت هذا مرسل حسن بإسناد صحيح

ترجمہ: جب سیدہ فاطمہ رضی اللہ عنہا بیمار ہوئیں تو ابوبکر رضی اللہ عنہ ان کی عیادت کے لیے تشریف لے گئے اور داخل ہونے کی اجازت چاہی۔ علی رضی اللہ عنہ نے کہا: فاطمہ، یہ ہیں ابوبکر اندر آنے کی اجازت مانگ رہے ہیں۔ اپ نے جواب دیا: کیا آپ چاہتے ہیں کہ میں انہیں اجازت دوں؟ انہوں نے فرمایا: ہاں! چنانچہ آپ نے ابوبکر کو اندر جانے کی اجازت دی۔ ابوبکر رضی اللہ عنہ اپ کی رضا کے لیے آئے اور آپ سے فرمایا: اللہ کی قسم میں نے اپنا گھر، اپنی جائیداد اور اپنے اہل و عیال کو صرف اس لیے چھوڑا ہے کہ اللہ، اس کے رسول اور آپ کی خوشنودی حاصل کر سکیں۔وہ سیدہ  سے بات کرتے رہے یہاں تک کہ آپ ان سے راضی 

ہوگئی۔(سنن البہقی الکبری رقم 12515۔ یہ حدیث مرسل صحیح ہے)

شیعہ لٹریچر میں بھی یہ ثابت ہے کہ سیدہ فاطمہ رضی اللہ عنہا ابوبکر رضی اللہ عنہ سے راضی ہوئیں۔

ابن میثم البحرانی نے شرح نہج البلاغہ 5/107 میں بیان کیا: ابوبکر نے فرمایا: رسول اللہ صلی اللہ علیہ وسلم اور آپ کا حق اے سیدہ فاطمہ رضی اللہ عنہا ایک ہی ہے: فئ کے مال میں سے رسول اللہ صلی اللہ علیہ وسلم اپنے اہل و عیال کے لیے الگ کر دیتے تھے، جب کہ باقی بچا ہوا خرچ کرتے تھے۔ خیرات میں میں تمہیں گواہ بناتا ہوں کہ جس طرح نبی صلی اللہ علیہ وسلم کیا کرتے تھے میں بھی ایسا ہی کروں گا، پھر سیدہ فاطمہ سیدنا ابو بکر سے خوش ہوئیں اور ابو بکر سے قسم لی کہ وہ اسے اسی طرح تقسیم کریں گے، جس پر ابو بکر رضی اللہ عنہ متفق تھے۔

شیعوں کی بہت سی مستند کتابوں میں کہا گیا ہے کہ فاطمہ رضی اللہ عنہا ابوبکر رضی اللہ عنہ سے راضی ہوئیں، دیکھیں: شرح اصول الکافی از محمد صالح مازندانی (11/400، قم، ایران سے مطبوعہ)، دوسری مرتضیٰ العسکری (2/131)، موافق الشیعہ ابن علی بن حسین کی(3/110)۔ وہ بیان کرتے ہیں: جب ابوبکر رضی اللہ عنہ آئے اور قسم اٹھائی کہ انہوں نے اپنی آنکھوں سے دیکھا کہ رسول اللہ صلی اللہ علیہ وسلم مال یتیموں میں تقسیم کرتے تھے تو سیدہ فاطمہ رضی اللہ عنہا نے فرمایا: اے ابوبکر میں بھی وہی کروں گی جیسا کہ میرے والد کیا کرتے تھے۔ . اس پر ابوبکر رضی اللہ عنہ نے کہا: میں قسم کھاتا ہوں کہ میں امت کا امانت دار ہونے کے ناطے اسے آپ کے والد کی طرح تقسیم کروں گا۔ فاطمہ نے کہا: خدا کی قسم ابوبکر کیا آپ بھی ایسا ہی کریں گے؟ ابوبکر نے کہا: خدا کی قسم میں ایسا کروں گا۔ سیدہ فاطمہ رضی اللہ عنہا نے فرمایا: اللہ گواہ رہے کہ میں ابوبکر رضی اللہ عنہ سے راضی ہو گئی۔

ان احادیث سے ثابت ہے کہ سیدہ فاطمہ رضی اللہ عنہا اپنی وفات تک ابوبکر رضی اللہ عنہ سے ناراض نہیں تھیں، بلکہ اپنی وفات سے پہلے ان سے راضی تھیں۔

ایک اور حدیث ہے جسے شیعہ استعمال کرتے ہیں:

ابوہریرہ رضی اللہ عنہ کہتے ہیں کہ فاطمہ رضی اللہ عنہا ابو بکر اور عمر رضی اللہ عنہما کے پاس آئیں کہ ان سے رسول اللہ صلی اللہ علیہ وسلم کی میراث کے بارے میں پوچھیں۔ انہوں نے کہا: ہم نے رسول اللہ صلی اللہ علیہ وسلم کو فرماتے سنا: میری میراث نہیں ہے نہ وراثت ہے۔" تو آ پ نے کہا: اللہ کی قسم! میں تم دونوں سے پھر کبھی بات نہیں کروں گی۔ اس لیے اپنی وفات تک آپ نے ان سے بات نہ کی۔"

علی بن عیسیٰ نے کہا: "تم دونوں سے بات نہ کرنے کا مطلب یہ ہے کہ: اس وراثت کے بارے میں پھر کبھی بات نہیں کی ، کیونکہ تم دونوں سچے ہو"۔ (جامع ترمذی حدیث نمبر 1609)۔

اس حدیث میں علی بن عیسیٰ منفرد (اکیلا) راوی ہیں حالانکہ یہ حدیث دوسرے راستوں سے بھی آئی ہے لیکن ان میں سے کسی میں بھی یہ ذکر نہیں ہے کہ انہوں نے وفات تک ان دونوں سے دوبارہ بات نہیں کی۔ مندرجہ بالا حادیث میں علی بن عیسی نے خود وضاحت کی ہے کہ انہوں نے ان سے وراثت کے بارے میں کبھی بات نہیں کی اور انہیں سچا سمجھا۔

اب ہم مسند احمد کی حدیث کو دیکھتے ہیں کہ:

حدثنا عبد الله حدثني أبي ثنا عبد الوهاب بن عطاء قال أخبرنا محمد بن عمرو عن أبي سلمة عن أبي هريرة أن فاطمةرضي الله عنها جاءت أبا بكر وعمر رضي الله عنهما تطلب ميراثها من رسول الله صلى الله عليه    وسلم فقالا إنا سمعنا رسول الله صلى الله عليه و سلم 

يقول إني لا أورث [مسند احمد بن حنبل، 1/13، حدیث نمبر 79]

شیخ شعیب الارناؤط نے اسے "حسن" قرار دیا ہے [ایضا]

یہ سند ترمذی کی سند سے چھوٹی ہے اور اور جتنی سند چھوٹی ہو اتنی ہی زیادہ سند قوی ہوتی ہے۔اس میں علی بن عیسیٰ کے علاوہ ایک ہی راوی ہیں۔ سیدہ کے الفاظ نہیں کے انہوں ان سے بات نہیں کی۔ چنانچہ ترمذی کی حدیث میں علی بن عیسیٰ منفرد (اکیلا) ہے۔

فدک کے مسئلے کو سمجھنے کے لیے ہمیں یہ جاننا ضروری ہے کہ اسلامی شریعت میں وسائل تین ہیں:

1۔  صدقات بشمول زکوٰۃ (یعنی صدقات)

2۔  غنیمت یعنی جنگی مال

3۔  فئ کا اموال یعنی مال یا جائیداد جو بغیر جنگ کے قابو میں آجائے۔

فدک کا تعلق اموال فئ سے تھا۔ جب خیبر فتح ہوا تو یہودیوں نے کچھ تجاویز پیش کیں جو رسول اللہ صلی اللہ علیہ وسلم نے قبول کر لیں۔ فدک بغیر جنگ کے نبی صلی اللہ علیہ وسلم کے قبضے میں آگیا۔

قرآن کہتا ہے: اور جو کچھ اللہ نے اپنے رسول کو ان سے لوٹایا، تم نے اس کے لیے نہ گھوڑے اور نہ اونٹ دوڑائے، بلکہ اللہ اپنے رسولوں کو جس پر چاہتا ہے طاقت دیتا ہے، اور اللہ ہر چیز پر قادر ہے۔ قابل [صحیح انٹرنیشنل: الحشر 6 تا 10]

وراثت صرف اس مال/جائیداد پر ہے جو ذاتی ہو، لیکن فئ پر نہیں ہو سکتی۔ ریاست کا سربراہ ایسی جائیداد اپنے بچوں یا رشتہ داروں کو منتقل نہیں کر سکتا۔

بخاری کی حدیث میں دو الفاظ قابلِ غور ہیں: سیدہ فاطمہ نے "وراثت" مانگی اور دوسرا لفظ "فئ" ہے یہ دو متضاد الفاظ ہیں کیونکہ وراثت اور فئ مختلف ہیں۔ بچوں کو فئ نہیں دی جا سکتی۔

شیعہ کتب میں جو روایتیں ہیں کہ فدک سیدہ فاطمہ کو ہبہ کے طور پر دیا گیا تھا، ان میں درج ذیل راوی ہیں:

1۔ محمد بن عبداللہ بن زبیر

الجرح وتعدیل کے سنی علماء نے ان کے بارے میں درج ذیل کہا ہے۔

امام عجلی نے فرمایا: وہ کوفی اور شیعہ ہے۔

ابن حجر عسقلانی نے تہذیب میں کہا ہے کہ وہ کوفی شیعہ ہے۔امام یحییٰ بن معین نے کہا کہ وہ غالی (شدت پسند) شیعہ تھا۔

اب آئیے دیکھتے ہیں کہ شیعہ علم حدیث کی بڑی اتھارٹی ان کے بارے میں کیا کہتے ہیں:

ایک شیعہ عالم مامقانی نے کہا: وہ شیعہ تھا لیکن "مجھول الحال (نامعلوم)" اس نے یہ بھی کہا کہ مجھے شیعہ یا سنی کتب میں اس نام کا کوئی شخص نہیں ملا۔

2۔ فضیل بن مرزوق

3۔ نمیری بن حسن۔

یہ تینوں شیعہ راوی ہیں اور شیعوں کے نزدیک بھی ایک نامعلوم ہے اس لیے فدک کی حدیث فاطمہ کے لیے تحفہ ہے حتیٰ کہ شیعہ کتب میں بھی شیعہ اصولوں کے مطابق مردود ہے۔

 یہ کہا جا سکتا ہے کہ امام سیوطی ایک سنی عالم نے اس روایت کو در المنثور میں نقل کیا ہے، لیکن درالمنثور کی جانچ پڑتال کے بعد ہم دیکھتے ہیں کہ یہ روایت بے سند ہے اس لیے قابل قبول نہیں۔

امام الہیثمی نے اسے سند کے ساتھ روایت کیا ہے لیکن سند میں عطیہ العوفی ہے جو متروک راوی ہے اور جمہور نے اسے ضعیف کہا ہے۔  امام ازدی نے کہا کہ وہ کوفی اور منکر الحدیث ہے۔

اہل سنت کی کتب احادیث سے ثابت ہے کہ حضرت ابوبکر رضی اللہ عنہ نے سیدہ فاطمہ رضی اللہ عنہا کی نماز جنازہ پڑھائی۔

امام جعفر (علیہ السلام) نے امام باقر (علیہ السلام) سے روایت کی ہے کہ حضرت فاطمہ (رضی اللہ عنہا) کی وفات کے وقت ابوبکر (رضی اللہ عنہ) اور عمر (رضی اللہ عنہ) نماز کے لئے گئے، ابوبکر رضی اللہ عنہ نے علی (رضی اللہ عنہ) سے کہا کہ نماز پڑھائیں، مولا علی علیہ السلام نے فرمایا: میں نماز کی امامت نہیں کروں گا کیونکہ آپ رسول اللہ صلی اللہ علیہ وسلم کے خلیفہ ہیں، چنانچہ سیدنا ابوبکر رضی اللہ عنہ نے آگے بڑھ کر نماز پڑھائی۔ [امام الہندی کنز العمال (6/318) میں]

اس کے علاوہ:

صلى أبو بكر رضي الله عنه على فاطمة بنت رسول الله فكبر عليها أربعًا

ابوبکر رضی اللہ عنہ نے رسول اللہ صلی اللہ علیہ وسلم کی بیٹی فاطمہ رضی اللہ عنہا کے لیے چار بار تکبیر کہی۔ حماد نے ابراہیم النخعی سے روایت کی ہے کہ سیدنا ابوبکر رضی اللہ عنہ نے سیدہ فاطمہ بنت رسول اللہ صلی اللہ علیہ وسلم پر چار تکبیروں کے ساتھ نماز پڑھائی۔(ابن سعد ابن طبقات میں ج 8ص 16)

شیعہ جنازہ کے بارے میں ان خبروں کو ضعیف کہتے ہیں، البتہ یہ مختلف سندوں سے نقل ہوئی ہیں جیسا کہ اوپر دکھایا گیا ہے۔

مفاہمت: فدک اموال فئ میں سے تھا اور وہ وراثت میں نہیں دیا جاتا۔ انبیاء اپنے بعد وراثت کے طور پر صرف علم چھوڑ کر جاتے ہیں نہ کہ دولت یا جائیداد۔ 

شیعہ حدیث کی کتاب اصول الکافی میں یہ روایت موجود ہے: ابو عبداللہ (جعفر الصادق) نے فرمایا کہ نبی نے فرمایا: علماء انبیاء کے وارث ہیں اور انبیاء درہم اور دینار وراثت کے طور پر نہیں چھوڑ کر جاتے مگر علم کے۔ اسی لئے جس نے علم حاصل کیا اس نے زیادہ حصہ پا لیا۔ (الکافی 1/42)

اس حدیث کی صحت کے بارے میں علامہ محمد باقر مجلسی نے اپنی الکافی کی تحکیم، مراۃ العقول میں کہا : 

اس حدیث کی دو اسناد ہیں پہلی والی مجہول ہے دوسری والی موثق ہے دونوں ساتھ ہوں تو صحیح مانی جائیں گی۔ (مراۃ العقول 1/111)

الکافی میں کلینی نے ایک باب باندھا ہے 

 عورتیں زمینی جائیداد کی وارث نہیں ہوتیں" اس باب میں امام محمد الباقر سے ایک روایت ہے: عورتیں زمینی جائیداد سے وراثت میں کچھ نہیں پاتیں" (الکافی جلد 7 صفحہ 127 کتاب الموارث حدیث 1) 

طوسی نے تہذیب الاحکام اور مجلسی نے بحار الانوار میں میسرہ سے نقل کیا کہ اس نے امام جعفر صادق سے عورتوں کی وراثت کے بارے میں پوچھا۔ امام نے کہا ان کو اینٹوں ، عمارت اور لکڑی کی قیمت کے عوض دیا جائے گا، جہاں تک زمینی جائیداد کی بات ہے تو اس میں سے انہیں کچھ وراثت میں نہیں ملے گا۔  (تہذیب الاحکام جلد 9 صفحہ 299؛ بحار الانوار جلد 104 صفحہ 351)

 

شیعہ کہتے ہیں یہ روایات صرف بیویوں کے بارے میں ہیں جبکہ دوسری طرف وہ یہ کہتے ہیں کہ قرآن کے وراثت والی آیات مطلق ہیں۔ تو ان آیات میں تو بیویاں بھی شامل ہیں۔ چناچے شیعہ کا یہ موقف غلط ہے کہ قرآن کی یہ آیات مطلق ہیں۔

منطقی طور پر اگر بات کریں تو سیدہ فاطمہ (سلام اللہ علیہا ) بہت نیک عورت تھیں اور شیعہ اور سنی کے مطابق وہ جنتی عورتوں کی سردار ہیں۔ یہ ممکن ہی نہیں کہ انہوں نے ایک زمین کے ٹکڑے کی وجہ سے بحث کی اور غصہ ہوئیں جیسے ہم عام لوگ ہوتے ہیں۔