امام ابو حنیفہ میری امت کا چراغ ہیں
امام ابو حنیفہ میری امت کا چراغ ہیں
امام ابو حنیفہ میری امت کے چراغ ہیں۔ اس موضوع روایت پر تحقیق۔
ملا علی قاری الحنفی رحمہ اللہ نقل کرتے ہیں
حديث ﺃﺑﻮ ﺣﻨﻴﻔﺔ ﺳﺮاﺝ ﺃﻣﺘﻲ
ﻣﻮﺿﻮﻉ ﺑﺎﺗﻔﺎﻕ اﻟﻤﺤﺪﺛﻴﻦ
ترجمہ: حدیث، نبی کریم صلی اللہ علیہ وآلہ وسلم نے فرمایا: ابو حنیفہ میری امت کے چراغ ہیں۔
یہ روایت محدیثین کے اتفاق سے موضوع (من گھڑت) ہے۔
الموضوعات الکبری # 4
ملا علی قاری رحمہ اللہ کے انصاف کو سلام کہ انہوں نے حنفی ہو کر اس روایت کے موضوع ہونے پر اتفاق کا کہا۔
پوری روایت یوں ہے
وَقِيلَ لِمَأْمُونِ بْنِ أَحْمَدَ الْهَرَوِيِّ : أَلَا تَرَى إِلَى الشَّافِعِيِّ وَإِلَى مَنْ نَبَغَ لَهُ بِخُرَاسَانَ ؟ فَقَالَ : حدثنَا أَحْمَدُ بْنُ عُبَيْدِ اللَّهِ , قَالَ : حدثنَا عُبَدُ اللَّهِ بْنُ مَعْدَانَ الْأَزْدِيُّ , عَنْ أَنَسٍ , قَالَ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : " يَكُونُ فِي أُمَّتِي رَجُلٌ يُقَالُ لَهُ : مُحَمَّدُ بْنُ إِدْرِيسَ , أَضَرُّ أَحَدُّ عَلَى أُمَّتِي مِنْ إِبْلِيسَ , وَيَكُونُ فِي أُمَّتِي رَجُلٌ يُقَالُ لَهُ : أَبُو حَنِيفَةَ , هُوَ سِرَاجُ أُمَّتِي "
سیدنا انس رضی اللہ عنہ روایت کرتے ہیں کہ نبی کریم صلی اللہ علیہ وآلہ وسلم نے فرمایا: میری امت میں ایک شخص ہو گا جس کا نام محمد بن ادریس (امام شافعی) ہو گا۔ وہ اس امت میں شیطان سے بھی زیادہ نقصان دہ ہو گا۔ اور میری امت میں ایک شخص ہو گا جس کا نام ابو حنیفہ ہو گا وہ میری امت کا چراغ ہو گا۔
المدخل امام حاکم # 45
اس روایت میں مامون بن احمد الھروی کذاب دجال راوی ہے۔
یہ مسلمانوں کی ایک تلخ حقیقت ہے کہ کچھ لوگوں نے امام اعظم ابو حنیفہ رحمہ اللہ پر باطل جروحات کیں۔ لیکن اللہ بھلا کرے امام المزی رحمہ اللہ اور امام ابن حجر عسقلانی رحمہ اللہ کا کہ انہوں نے تھذیب میں امام اعظم پر ایک بھی جرح نقل نہیں کی بلکے تعدیل ہی نقل کی یعنی تمام جروحات باطل تھیں۔ امام ذھبی رحمہ اللہ نے بھی امام ابو حنیفہ رحمہ اللہ کو تذکرة الحفاظ میں امام اعظم کے لقب سے مخاطب کیا اور خوب مدح کی۔ ماشاءاللہ۔
About Author:
